Friday, July 03, 2015

సంఘర్షణ (కవిత)

నాకెందుకో ఈ వేదన
నాలో నాకెందుకీ నిరంతర ఘర్షణ
దానికి కారణం నువ్వా ? నేనా ?
ముమ్మాటికీ నేనే కావచ్చు
అందుకేనేమో...
ఫలితం కూడా నన్నే బాధిస్తుంది.....

అర్హత లేని నిను అందలమెక్కించింది నేను
క్షణక్షణం అనుక్షణం నీ ఉన్నతిని ఆశించింది నేను
కన్నవారు కాదన్నా....
అయినవారు అడ్డుకున్నా....
నలుగురిలో నవ్వులపాలైనా....
నీపై ఇష్టంతో అవేవి కష్టంకావనుకున్నా....
నాలోకం దిగి వచ్చి నీవే నాలోకమన్నా....

ఇందులో నీ తప్పేంలేదు
ఆశావాదం నాది... అవకాశావాదం నీది...
వెండి `వెన్నెల'లా వెలుగులు ప్రసరించి
మండే ఎండని మిగిల్చివెళ్లావు.....
                                      ప్రణయ్......(02.07.2014)

No comments:

Post a Comment